• Каракол шаарындагы № 9 «Шаттык» бала-бакчасы;
• 1956-жылдан баштап иштейт;
• күбөлүк каттоо номери: 99390-3302-М-е;
• телефон: 0(3922) 5-32-24;
• дареги: Ысык-Көл обл., Каракол ш., Кыштобаева көч. № 67;
• почталык индекси: 722360;
• иш убагы: 7.30дан 17.30га чейин
   

Бала бакчада 3 жаштан 6 жашка чейинки балдар үчүн 3 курактагы топтор чогулган:

• 2-кенже топ – 3төн 4 жашка чейин
• Орто топ – 4төн 5 жашка чейин
• Жогорку топ – 5тен 6 жашка чейин

Кадрлар менен 100 % камсыздалган.

Девиз:

Катардагы мугалим - айтып берет,

Жакшы мугалим – түшүндүрөт,

Алдынкы мугалим – көрсөтүп берет,

Улуу мугалим – шыктандырат.

Жогоруда аталган сапаттар биздин бала-бакчанын тарбиячыларында бар.

Жамааттын жашоо турмушу:

• Сүйүү жана адамгерчиликтүү мамиле;
• Чыгармачылык;
• Изденүү;
• Шериктештик жана кызматташтык;
• Сыйлоо жана ишеним.

Биздин милдетибиз – балдарга татыктуу тарбия берүү жана келечекте ар тараптан өнүккөн инсандарды тарбиялоо менен бактылуу балалыктын бийик үлгүсүн берүү.

Биз үчүн эң негизги деп эсептелген:

• бардык тарбиялануучулар үчүн жакшы маанайдагы шарт түзүп берүү;
• балдардын чыгармачылыгынын жыйынтыктыктарына сый мамиле жасоо;
• тарбия жана билим берүү процесстеринин ийкемдүүлүгү;
• бардык баланын ар тараптуу өнүгүшү.

Жалпы жаамат «Бала бакчада билим берүү жана тарбия» өнүктүрүүчү программасы менен иштейт.

Көпчүлүк педагогдор автордук программалар менен иш алып барат.

Топтогу сабактар төмөнкүдөй жүргүзүлөт:

• сүйлөө жөндөмдүүлүгүн өстүрүү;
• сабаттуулукка үйрөтүү;
• айлана-чөйрө менен тааныштыруу;
• көркөм адабиятты таануу;
• ОТМЧЧ;
• математикага;
• сүрөт тартуу ишине;
• конструкциялоого;
• музыкага;
• дене тарбияга;
• кыргыз тилине.

Кошумча иш-чаралар: бий, музыка.

Ата-энелер менен биргеликте  майрамдык иш чаралар өткөрүлүп турат.

Эмне менен сыймыктанабыз?

Балдар биздин бала бакчага өз каалосу менен көңүлдүү келишет. 
 

КАБЫЛ АЛУУ ШАРТТАРЫ

Урматтуу ата-энелер эгерде сиздер балдарыныздарды биздин бала-бакчага орноштурууну кааласаныз анда электрондук кезекке турунуз .Электрондук кезекке туруу боюнча маалыматты төмөнкү сайттан аласыздар mektep.edu.gov.kg

№ 9 бала-бакчага кирүү үчүн зарыл болгон документтердин тизмеги:

• Бала бакчага кабыл алуу жөнүндө ата-энелердин арызы
• Баланын туулгандыгы тууралуу күбөлүк
• Ата-энелердин паспортторунун көчүрмөсү
• Медициналык документтер: № 063 эмдөөлөр жөнүндө форма
• 3х4 (2 даана) балдардын сүрөтү
• Ата-энесинин, камкорчусунун кол коюлган эки нускадагы келишими