2023-жылдын 7-мартында, Айрыбаз айыл аймагындагы мектептердин энелерине "Балага көңүл буруу, анын келечегине сарай куруу"-деген темада энелер мектеби өткөрүлдү. Конок катары  Кадамжай райондук билим берүү бөлүмүнүн башчысы Жеңиш Орозбаев, Абийир коомдук бирикмесинин жетекчиси Мухаммед ажы Абдыкулов, Ыйман нуру коомдук фондунун жетекчиси Талант агай жана Энелер мектебинин негиздөөчүсү  Кыргыз Республикасынын Эмгек сиңирген мугалими Мадаминов Гапыр агай келип катышты. Жыйындын жүрүшүндө келген коноктордун ар бири энелердин коомдогу ролу, милдеттери боюнча кеп козгошту.   Ата-энелер баланы окуу, тарбия алуусундагы орду терең экенин түшүнүп, өздөрүнүн кызыктырган суроолоруна жооп ала алышты. Энелер мектеби жогорку денгээлде өтүп, энелер  улуу устатыбыз Гапыр агайга өздөрүнүн ыраазычылыгын билдиришти.