Кадамжай райондук ички иштер  бөлүмү, Жол кыймылын көзөмөлдөө башкармалыгы менен биргеликте "Бала өмүрү- барынан кымбат"
аталышындагы класс жетекчилердин жана 9-11-класс  ата-энелеринин катышуусунда жыйын өткөрүлдү. Жыйында балдардын өмүрү, коопсуздугу боюнча түшүндүрүү иштери жүргүзүлүп, маалыматтар берилди. Бүтүрүүчү класстардын бүтүрүү кечелери боюнча  талкуулар болуп, сунуштар айтылды. Экскурсия, кортеждерге чыгууга тыюу салынды. Ата-энелер да "Акыркы конгуроо" кечесин көзөмөлдөшүп, билим берүү мекемелерине жакындан жардам беришерин айтышып, ар бири берген суроолоруна жоопторун алышты. Балдардын тартибин көзөмөлдөө өмүр- коопсуздугун алдын алуу үчүн барыбыз бир максат менен  биргеликте иш алып баруу жагы айтылды.  Бардык ата-энелерге өз балдарынын коопсуздугу өздөрүнүн колунда экендиги айтылып, жыйынтыкталды.