Ош шаарынын Кара-Суу районуна караштуу №99 Нурлан Сайдиев мектебинде 2022-жылдын 30-декабрь күнү жалпы мектеп жамааты үчүн кош майрам болду. Анткени жаңы жыл майрамына, жаңы спорт залы курулуп бүтүп, пайдаланууга берүү аземи болду. Бул ачылышка КР өкмөтүнүн Ош облустук ыйгарым укуктуу өкүлүнүн орун басары Толтоев Эрнис Мукашбекович , Кара- Суу райондук мамлекеттик администрациясынын башчысынын орун басары Мамаева Айжан Мамаевна, Төлөйкөн айыл аймагынын башчысы Жунусов Султан Таирбекович, Төлөйкөн айылдык кеңешинин депутаттарынын төрагасы Боронбаев Денис Купуевич катышышып: келечек муундун өкүлдөрүнө түзүлүп жаткан шарттарга токтолуп, мыкты билим алууга жана дени сак жашоо образын жайылтууга үндөп,спорт залдын пайдубалы бекем жана ак жолтой болуусуна тилектештиктерин билдиришти. Ата-энелер,мектеп жамааты аябай кубануу менен жетекчилерге ыраазычылыгын билдиришти жана айыл аксакалдары алаканын жайып батааларын беришти.